Мектеп мақтанышы: Даулет Оразкуловты UCL университетін бітіруімен құттықтаймыз!

Мектеп мақтанышы: Даулет Оразкуловты UCL университетін бітіруімен құттықтаймыз!

Мен University College London университетін «Қала құрылысын жоспарлау, дизайн және менеджмент бакалавры» мамандығы бойынша жоғары деңгейдің екінші дәрежесімен бітіргенімді қуана хабарлаймын. Соңғы үш жыл менің өмірімнің маңызды бөлігі болды, бұл уақытты әрдайым жылулықпен еске алатын боламын. UCL-де мен ең ақылды, мейірімді және талантты адамдарды кездестім, олардың көпшілігі менің жақсы достарыма айналды. Лондондағы өмір маған табанды, тапқыр болуға және шынайы достықты бағалай білуге үйретті. Енді мен өзімнің қаншалықты бақытты екенімді түсіндім, өйткені маған барлық армандарым мен тілектерімді орындауға мүмкіндік берілді. Бұл үшін мен Haileybury Almaty мектебіне, мұғалімдерге, Қамқоршылар кеңесі мен акционерлерге үлкен алғыс айтамын. Олардың барлығы мені Haileybury мектебіне 2014 жылдың күзінде түскен күннен бастап қолдады.

Өткен уақытты есіме алып, оқуым туралы ой жүгіртсем, өмірімнің соңғы үш жылы қиын болды деп айта аламын. Жаңа елде өмір сүру, оның мәдениетін түсіну, жаңа қарым-қатынас орнату мен үшін көптеген естеліктерге және өмір сабақтарына толы қызықты әрі тартысты күрес болды. Мен жеке басымды, өз қабілеттерімді және мықты жақтарымды жақсы танып білуге себеп болатын басқа қаланы, университетті немесе ортаны елестете алмаймын. Менімен достасқан адамдар мен оқу барысында кездескен қиындықтар маған ең алдымен өзімді білуге көмектесті. Университеттегі жылдар мен шын мәнінде қарым-қатынасты қалай құра алатындығымды, стресстен қалай арыла алатындығымды, жоғары нәтижелерге қалай қол жеткізе алатындығымды және ең бастысы түрлі өмірлік жағдайларда өзімді қалай басқара алатындығымды көрсетті.

Haileybury мектебі үйреткен құндылықтар менің мақсаттарыма жетуде маңызды рөл атқарғанын мойындаймын. Осы уақытқа дейін мен алдыма ізденімпаздық, тапқырлық, батылдық пен табандылықты талап ететін міндеттер мен мақсаттарды қойдым. Осы қасиеттер болмаса мен оқуымды сәтті аяқтап, қазіргі Лондондағы бәсекесі жоғары еңбек нарығында жұмыс таба алмайтын едім.

Қазіргі уақытта мен жылжымайтын мүлікке инвестициялар бойынша сарапшымын, Лондондағы жылжымайтын мүлік бойынша консалтингтік компанияда коммерциялық жылжымайтын мүлік саласында жұмыс істеймін. Мен жаңа жерде қаржы және инвестициялар саласындағы білімімді едәуір жақсарта аламын деп үміттенемін, бұл менің мансап жолымда алға қойған үлкен мақсаттарыма жетуге көмектеседі. Менің алдыма қойған келесі мақсатым – Алматыға оралуға дейін мүмкіндігінше мол жұмыс тәжірибесін жинау және одан да көп білім мен дағдыларды игеру.

Дұрыс ойлау және құндылықтарды түсіну үлкен биіктерге жетелейтініне сенімдімін. Менің өмірімде осы күнге дейін ұстанатын құндылықтарды баулыған бірнеше адам болды. Солардың ішінде мен үшін Haileybury қауымдастығының орны ерекше, өйткені ол мені барлық берілген мүмкіндіктер үшін риза болуға және өз ісімде өршіл болуға үйретті.

Daulet Orazkulov

Жаңалықтар
03.08.2020
Haileybury мектептерінің ашылу жоспары
Біз келесі тоқсанда екі қаладағы мектептердің қауіпсіз ашылуын қамтамасыз ету мақсатында қызу жұмыстар жүргізудеміз. Ашылуға қатысты дайындық жөніндегі толық ақпарат төменде беріледі:
24.07.2020
I've Graduated - What's next?
How to find a job in the UK?
11.07.2020
Head Girl Yerkezhan
Құрметті Haileybury Almaty мектебі! Сонымен тағы бір оқу жылы аяқталды. Мен бізбен қалатын және мектептен кететін мектеп мұғалімдеріне күнделікті сабақ беріп, үнемі қолдау көрсеткендері үшін алғыс айтқым келеді.
Біз осы сайтта cookie файлдарын қолданамыз. Осы сайтты пайдалана отырып, сіз cookie файлдарын орналастыруға келісесіз Қосымша ақпарат

03.08.2020 Мектеп жазғы демалысқа жабылады.

Құрметті ата-аналар!

Мен сізге бірнеше рет хат жаздым, және уәде еткендей, сізге Алматы мен Нұр-Сұлтан қалаларындағы екі Haileybury мектебінің ашылу жоспарын ұсынуға қуаныштымын.

Көріп отырғаныңыздай, біз халықаралық мектептердің озық тәжірибелерін қолдана отырып, мектептерімізді қауіпсіз ашудың барлық аспектілерін қарастыруға тырыстық.

Алайда, бұл онлайн құжат болып табылады, яғни оған бүкіл әлемнен және біздің Денсаулық сақтау және Білім министрліктерінен қосымша ақпарат түскен кезде өзгерістер және толықтыулар енгізілуі мүмкін.

Біз Білім министрлігімен оқу жылының басында мектепке қай сынып оқушыларына қайтып оралуға болатындығы туралы сұрақты анықтау мақсатында байланыс ұстап отырмыз. Ресми ақпаратқа қол жеткізген сәтте сізбен міндетті түрде бөлісеміз.

Иан Хант,

Қамқоршылар Кеңесінің Төрағасы

Қазіргі уақытта біз 2020 жылдың тамыз айында жаңа орындарға шектеулі ғана өтінімдерді қабылдаймыз. Біздің мектепке түсу туралы көбірек білгіңіз келсе, оқушыларды қабылдау бөліміне хабарласыңыз: admissions@haileyburyalmaty.kz.