16 жастағы оқушыларға арналған A-Level гранттары (2024-2025 оқу жылы)
A-Level бағдарламасын аяқтаған оқушыларды АҚШ, Еуропа, Канада, Австралия және әлемнің басқа да елдеріндегі университеттер қабылдайды және жоғары бағалайды.
Жоғары сынып оқушыларына арналған гранттар
Шетелде білім алу – көптеген оқушылардың арманы. Оларға шетелдік университетке түсуге мүмкіндік беру үшін Haileybury Almaty Жоғары мектепте оқуға арналған гранттар ұсынады. A-Level бағдарламасында оқуға арналған гранттар 15-16 жас аралығындағы оқушыларға беріледі.
A-Level – бүкіл әлемде, соның ішінде АҚШ-та мойындалған және әлемдік деңгейдегі университеттерге түсуге мүмкіндік беретін оқу бағдарламасы. Қазақстан Республикасының азаматы болып табылатын және жоғары оқу жетістіктерімен ерекшеленген оқушылар A-Level грантына үміткер бола алады. Оқу үдерісі британдық білім беру бағдарламасының талаптарына сәйкес өтеді. Оқу соңында оқушыларға британдық білім беру саласындағы ең жоғары сұранысқа ие Advanced Level General Certificates of Education (GCE емтиханының ілгері деңгейі) немесе қысқаша A-Level сертификаты беріледі.
2024-2026 оқу жылына арналған Haileybury Almaty мектебінің A-Level бағдарламасына толық және ішінара гранттар конкурсына тіркеу ашылды!
Haileybury Almaty мектебінің A Level 2 жылдық бағдарламасы бойынша оқуға гранты дарынды сыртқы оқушыларға, оқу басталған кезде (2024 жылғы 1 қыркүйекке) 16 жасқа толған, оқу ақысын төлеуге қаржылық мүмкіндігі жоқ Қазақстан Республикасының азаматтарына беріледі.
Байқауға қатысу үшін біз барлық үміткерлерді грант алу конкурсының бірінші кезеңіне - пәндік олимпиадаларға қатысуға шақырамыз.
Олимпиада келесі пәндер бойынша өтеді: математика, ғылыми пәндер (физика, химия, биология), ағылшын тілі.
Байқау бірқатар іс-шаралар мен сұхбаттардан тұрады. Барлық гранттар ішкі саясатқа сәйкес құжаттарды тексеру арқылы академиялық негізде беріледі.
Елнұры Атакозиева
Қабылдау бөлімінің меңгерушісі