Робототехника

“FIRST” чемпионатына қатысу 

Haileybury Almaty мектебі STEAM білім беру саласындағы беделді оқиға болып табылатын әлемге әйгілі «FIRST» (For Inspiration and Recognition of Science and Technology) чемпионатына қатысады. Бұл бағдарлама оқушыларды ғылым мен технологияны зерттеуге, көшбасшылық, топтық жұмыс және инженерлік дағдыларды дамытуға шабыттандырады. Алматыдағы “FIRST” чемпионаттың ұйымдастырушылары ретінде біз қаламыздағы мектеп оқушылары үшін бәсекелестік пен ынтымақтастыққа толы, инновацияларды зерттеп, қолдануға болатын динамикалық кеңістік құрудамыз.

«Робототехника» пәні

Робототехника Haileybury Almaty бастауыш және жоғары сыныптардың оқу бағдарламасына енгізілген, барлық оқушылар негізгі және ілгері деңгейдегі робототехниканы оқи алады. Бастауыш мектепте оқушылар негізгі ұғымдармен және шығармашылық есептерді шешу әдістерін үйренеді. Жоғары мектепте оқушылар күрделірек жобаларды жасайды, бірқатар тапсырмаларды орындау үшін роботтарды құрастырады және бағдарламалайды. Haileybury Almaty-дағы робототехника - бұл жай ғана пән емес, ол төзімділікті, сыни ойлауды және технологияға қызығушылықты арттыратын әсерлі тәжірибе. Біз бастауыш және жоғары мектеп оқушыларына арналған LEGO WeDo 2.0, Spike, Motion Briq, REV, GoBilda, Mindstorms және VEX 123, IQ, GO және V5 сияқты түрлі робототехника құралдарын пайдаланамыз.

Оқушылардың жобалары мен жетістіктері

Оқушыларымыздың жетістіктері мектебіміздегі робототехника сапасының жоғары деңгейін көрсетеді:

• Алматыда American Maker Space ұйымдастырған байқауда Мерейлі жасанды интеллект негізінде жасалған AIgnite Diagnostics диагностикалық құралы үшін 500 000 теңге ұтып алды.
• Даниал, мектептің 2024 жылғы түлегі, екі пайдалы қолданбаны жасап шығарды - оқушыларға кітаптарды таңдауға көмектесетін “Кітапхана” және мектеп қауымдастығына көмектесу үшін “Жоғалған заттар бұрышы” қолданбалары.
• Назар екі компьютерді желі қосқыштары арқылы байланыстыратын портативті құрылғыны, PID контроллерін жасады, осылайша өзінің робототехника мен күрделі жүйелерге деген қызығушылығын көрсетті.

Серіктестіктер

Біз Қазақстанның түкпір-түкпіріндегі жас және дарынды оқушыларды қолдайтын «Дарын» орталығымен ынтымақтасатынымызға өте қуаныштымыз. Haileybury Almaty барлық оқушыларға өз қабілеттерін көрсетуге мүмкіндік беретін жаратылыстану және математика пәндерінен олимпиадалар өткізеді.

Біз сондай-ақ Қазақстан мен Орталық Азиядағы STEM білім беруді дамытуда маңызды рөл атқаратын “USTEM” қорымен ынтымақтасамыз. Осы серіктестік арқылы біз FIRST бағдарламасын белсенді түрде ілгерілетп, аймақ жастарының мүмкіндіктерін кеңейтеміз.

Дағдыларды дамыту және оқу нәтижелері

Haileybury Almaty-дағы робототехника пәні оқушыларды болашақ қиындықтарға дайындалуға көмектесетін көптеген дағдылармен қамтамасыз етеді. Оқытудың негізгі нәтижелері:

• Техникалық құзыреттілік: Робототехника жинақтарымен, бағдарламалау құралдарымен және озық технологиялармен жұмыс тәжірибесі оқушыларға STEM бойынша құнды техникалық дағдыларды береді.
• Проблемаларды шешу және сыни тұрғыдан ойлау: Робототехника сыни және шығармашылық ойлауды дамыта отырып, оқушыларды ақауларды жоюға, талдауға және дизайнды жақсартуға үйретеді.
• Ынтымақтастық және топтық жұмыс: Топпен жұмыс жасай отырып, оқушылар тиімді қарым-қатынас жасауды, идеялармен бөлісуді және бір-біріне қолдау көрсетуді үйренеді, бұл кез келген мансап үшін қажетті дағдылар.
• Көшбасшылық және сенімділік: FIRST сияқты жарыстар оқушылардың көшбасшылық дағдыларын дамытуға, жылдам шешім қабылдауға және өз жұмысын сенімді түрде кқрсетуге көмектеседі.

Haileybury Almaty-да робототехника - тек робот жасау үшін ғана емес, сонымен қатар болашақ инноваторлар мен көшбасшыларды дамыту үшін қажет пән.