Haileybury академиялық жетістікке жету жолындағы қиындықтардан қорықпайтын, әр түрлі сабақтан тыс үйірмелерге қатысу арқылы, жоғары нәтижелерге қол жеткізуге және біздің бақытты және мақсатқа бағытталған қауымдастыққа қомақты үлес қосуға ұмтылатын талантты қыздар мен ұлдар үшін бірқатар мүмкіндіктер ұсынады.

Біз оқушыларды конкурстық негізде қабылдаймыз және олардан IGCSE және A Levels емтихандар бойынша жоғары нәтижелер күтеміз. Біздің студенттер Ұлыбритания, АҚШ, Еуропа, Азия елдеріндегі элиталы университеттерге түседі. Интеллектуалды қатаңдық, қызықты тапсырмалар және академиялық қызығушылықты арттырумен қатар біз академиялық жетістіктер мен мінез-құлықты дамытуды, табандылық пен көшбасшылықты теңестіретін жан-жақты білім беруді қамтамасыз етеміз. Барлық оқушыларға Haileybury Almaty ұсынып отырған сабақтан тыс үйірмелерге қатысуға кеңес беріледі.

Бұл үйірмелерге қатысу оқушыларды дамытуға мүмкіндік береді, әлеуметтік жауапкершілік сезімін нығайтады, командалық рухты дамытады, сенімділікті арттырады және болашақ өмірінде осы күрделі әлемде жол көрсететін құндылықтарды дамытады.
Haileybury жоғары сапалы тәрбие жұмысын жүргізеді. Қолайлы орта Haileybury оқушыларының ерекшеліктерін қалыптастыруға ықпал етеді.

Біздің мақсатымыз - біздің ұлдар мен қыздарымызды Haileybury мектебін бітірген кезде бәсекелі жаһандық еңбек нарығында табысқа жету үшін қажет өмірлік дағдылар мен академиялық біліммен толыққанды қамтамасыз ету. Олар мектепті сана-сезімі жетілген, жетістіктерімен мақтана алатын және басқаларға жаны аша алатын тұлғалар ретінде бітіреді деп үміттенеміз.

Мектеп Haileybury UK және Haileybury Astana мектептерімен тығыз қарым-қатынаста болғандығын жоғары бағалайды және олардың дәстүрлері мен құндылықтарын ұстанады. Біз Алматыдағы жергілікті қауымдастықтың игілігіне жұмыс атқаруға қуаныштымыз.
Vivat haileyburia