Сәуір айында Haileybury Almaty жоғары мектебінің оқушылары "Багси Мэлоун" атты көңілді және жанды қойылымын көрермен назарына ұсынды.
Қойылым жарқын және әсерлі болып шықты, онда 7, 8 және 9 сынып оқушылары ойнады.
Спектакльдің қойылуына театр өнері мен музыканы шын жүректен жақсы көретін тамаша оқушыларымыз себепкер болды. "Багси Мэлоун" - жеңіл, сюжеті күлкілі және кейіпкерлері есте қаларлық спектакль. Біздің жас актерлер сахнада өздерінің бар қабілеттерін көрсете алды.
Сценарийді алғаш оқығаннан бастап оқушылар өз рөлдеріне еніп, сенімді түрде ойнап, әр кейіпкерді шеберлікпен көрсете білді. Екі айлық дайындықтың ішінде олар гангстер, арманшыл, дива мен чемпион рөліне ене алды және көрермендерге 3 ұмытылмас қойылым сыйлады.
- Ең маңызды сәттердің ішінде мыналарды атап өтуге болады:
- Голливудқа қол жеткізуді армандайтын Блаузидің шынайы және әсерлі ойыны;
- Әзілкеш, сүйкімді, харизмасы мол Багси;
- Кез-келген мейрамхана қонақтарын бірнеше секундта қашқызып жіберетін Лераның әннің шырқын бұзып айтуы;
- Дэнди Дэннің шабыттандыратын рэп өлеңі және сенімді көшбасшылығы;
- Томассоның комедиялық бейнесі — ақкөңіл, бірақ епсіз бандит;
- Кейджи Джо — болашақ чемпиондарды шығаратын жаттықтырушы
- Сондай-ақ дұрыс емес жерде және дұрыс емес уақытта болып қала беретін Рокси.
Спектакльге 26 оқушы қатысты. Олар керемет қойылым жасап қана қоймай, қолдау, сенімділік, достық және шығармашылық атмосферасын да құрай алды. Мәтінді бірге жаттап, қол шапалақтаған көрермендердің алдында тұрып, шығармашыл, тату жұмыс деген не екенін көрсете білді.
Актерлік шеберлік бойынша оқытушы атап өткендей, бұл талантты және өршіл балалар басқа оқушыларды жайлылық аймағынан шығуға, жаңа нәрселерді сынап көруге және өз әлеуетін ашуға шабыттандырады. Өйткені, бүкіл әлем - бұл сахна, олар үшін бәрі енді басталады.
Спектакльді ұйымдастыруға көмектескендердің барлығына алғысымызды білдіреміз, ең алдымен Роберт Мудиге керемет режиссура үшін, Софи Лайтаулерс пен Софи Брансонға баға жетпес қолдау көрсеткені үшін рақмет! Ұйымға көмектескен дарынды музыканттар мен барлық қызметкерлерге де алғысымыз шексіз. Сіздің көмегіңіз бен ынта-жігеріңіздің арқасында спектакль біздің оқушылар үшін де, көрермендер үшін де ұмытылмас оқиға болды!
