Өткен аптада Шэньчжэнь қаласында (Қытай) химия пәнінен Халықаралық Менделеев олимпиадасы өтіп, әлемдегі ең талантты жас химиктер осы жерде бас қосты.
Қатысушылар арасында еліміздің туын абыроймен көтеріп шыққан Haileybury Almaty мектебінің оқушысы Алихан да болды.
12 ELWI сынып оқушысы Алихан химия саласындағы терең білімімен бәрімізді таң қалдырды. Haileybury Almaty мектебінің мұғалімдері оның Олимпиадаға қатысуына ықпал етіп, оның қабілетін, дағдыларын дамытып, табысқа жету үшін қажетті платформаны ұсынды.
Байқаудың өзі беделді шара болып табылады, оған әлемнің түкпір-түкпірінен келген жас дарындар қатысады. Қатысушылар химиялық теорияны білу мен түсінуді ғана емес, сонымен қатар бұл білімді инновациялық тәсілдермен іс жүзінде қолдана білуді талап ететін бірқатар күрделі сынақтардан өтеді. Бұл – үздік оқушылардың мінезі мен дайындығын тексеретін күрделі сынақ.
Осындай жоғары деңгейдегі жарыста қола медаль жеңіп алу – үлкен жетістік. Бұл Алиханның еңбекқорлығы, төзімділігі мен қабілеттерін көрсетеді. Оның жетістігі – жеке жеңіс қана емес, сонымен қатар біздің білім беру жүйесінің жеңісі және Haileybury Almaty-да құрылған білім беру ортасының сапасының дәлелі.
Біз әрқашан жас оқушыларымызды академиялық бастамаларында қолдаудың маңыздылығын есте ұстауымыз керек. Алиханның Қытайда халықаралық аренаға шығуы – қажырлы еңбектің, табандылықтың және білімге деген тынымсыз ұмтылыстың үлгісі.
Алиханды лайықты жетістігімен шын жүректен құттықтаймыз! Оның жолы мен жетістіктері оның сныптастары мен Қазақстанның болашақ ұрпақтарын шабыттандырады. Жарайсың, Алихан!
