Haileybury Almaty мектебінде тағы бір жетістік: әлемнің бірнеше беделді университеттерінен ұсыныстар
Haileybury Almaty мектебінде мақтаныш үшін тағы бір себеп пайда болды! Бұл жолы біз әлемдегі ең беделді оқу орындарынан, соның ішінде UCL, King ' s College London, St Andrews, Cardiff, University of Edinburgh сияқты британдық және Pomona College, Hamilton College, Boston University, Boston College, Denison University сияқты американдық жоғары оқу орындарынан ұсыныстар алған Нұрсұлуды құттықтауға асықпыз! Бұл жетістік Нұрсұлудың мақсатқа талпынушылығы мен айрықша қабілеттерінің және де Haileybury Almaty мектебіндегі білімнің жоғары сапасы мен қолайлы оқу ортасының айғағы.
Болашақ нейробиолог жолы
Нұрсұлу әрқашан ми жұмысының қыр-сырын және адамның когнитивті психологиясы мен физиологиясы арасындағы күрделі байланыстарды түсінуге қызығушылық танытты. Ми адам ағзасының ең күрделі органы бола отырып, шексіз құпиялар мен қиындықтарды жасырады. Нұрсұлу оларды түсінуге және адам физиологиясы туралы түсінігімізге үлес қосуға, сайып келгенде, неврологиялық бұзылуларды емдеуге үлес қосуға бел буды.
Академиялық зерттеулерге деген ұмтылыс Нұрсұлуға әлемнің көптеген университеттерінен шақырулар алуға көмектесті. Осы оқу орындарының әрқайсысы Нұрсұлу сияқты мақсатқа талпынған адам нейробиология саласына үлкен әсер етуі мүмкін екенін түсінеді.
Жарқын болашақ
Нұрсұлу қазір университтерді қарастырып, өзіне ең қолайлысын таңдауда, бірақ оның нейробиология саласында жарқын болашағы бар екені бізге қазірдің өзінде анық. Haileybury Almaty әрдайым барлық оқушыларына көрсететін академиялық қолдауы және Нұрсұлу оқитын жаңа академиялық ортаның арқасында ол ғылым мен медицинаға айтарлықтай үлес қоса алады.
Нұрсұлуды осындай керемет жетістігімен құттықтаймыз! Сіз – Haileybury Almaty рухының, ізденімпаздық, адалдық пен кемелдік рухының көрінісісіз. Болашақ табыстарыңыз бен адам миын зерттеудегі жетістіктеріңіз туралы жақын арада естиміз деген сенімдеміз.
Құттықтаймыз, Нұрсұлу! Haileybury Almaty қауымдастығы сізді мақтан тұтады және сізге жаңалықтар мен инновациялар әлемінде табыс тілейді!
