Өткен демалыс күндері мектебіміз 4 спорт түрінен екі күндік жарысқа қатысуға келген Haileybury Astana және The British School of Tashkent мектептерін қарсы алды.
Осылайша біз 11 жасқа дейінгі оқушыларымызды Бангкоктағы FOBISIA ойындарына дайындағымыз келді, онда олар Оңтүстік-Шығыс Азияның басқа 8 мектебімен бәсекеге түседі.
5 және 6 сыныптарда оқитын 24 ұл мен қыздан тұратын біздің команда ақпан айынан бастап демалыс күндері, сондай-ақ жүзу және футбол бойынша ССА-лерде қызу дайындық үстінде. Олар жеңіл атлетика, бейсбол, жүзу және футболдан жарысты, барлық қатысушылар барлық 4 спорт түрі бойынша қатысты.
Барлық командалар өте жақсы нәтиже көрсетті, тамаша атмосфера болды. Барлығы әділ ойнады, қатысушылар үшін басқа ойыншыларға деген құрмет бірінші орында болды. Жарыс өте сәтті өтті деп айтуға болады. Келесі жылы да осындай жарыстарды өткізуге және Орталық Азия аймағынан тағы бір мектепті шақыруға ниетіміз бар.
Haileybury Almaty мектебі оқушыларға өз қабілеттерін көрсетуге және түрлі жарыстарға қатысуға мол мүмкіндік береді. Осы шараның жоғары деңгейде өтуіне үлес қосқан барлық қатысушыларға, жаттықтырушыларға және мектеп қызметкерлеріне алғысымызды білдіреміз. Оқушылар командасына (11 жасқа дейін) Бангкокта сәттілік тілейміз және алдағы уақытта тағы да көп жарыстар өткіземіз деп үміттенеміз. Біздің жаңалықтарды өткізіп алмаңыз!
_11zon.jpg)
