Қайырымдылық жобасы

Жақында Haileybury Almaty мектебінің директоры Линн Олдфилд ханым Гёте көшесінің бойында орналасқан  жалғызбасты аналар үйіне барып қайтты. Онда Линн Олдфилд ханым Friends of Haileybury ата-аналар қоғамдастығымен бірлесіп ұйымдастырған қайырымдылық жобасының нәтижесімен танысты.

Бұл жылы бастамашыл топ мектеппен бірлесе отырып, балалардың ойын бөлмесінің жөндеу жұмыстарына қаражат жинап қана қоймай, бұл жобаға оқушылардың өздерін де қатыстырып, жұмылдыру керек деген ұсыныс жасады.

Балалар айтылған бұл ұсынысты қуана қабылдап, жобаның барлық кезеңдеріне белсене қатысып отырды. Оқушылар ойын бөлмесінің дизайнын өздері ойластырып, қолдарына қылқаламдарын ала жүріп, ғимараттың қабырғаларын бояп шықты. Нәтижесінде мектеп, оқушылар және ата-аналардың қатысуымен  самаладай жарық бөлме пайда болды.