Мэттью Хант-Браун Haileybury Almaty Бастауыш мектебінің тұрақты басшысы болып тағайындалды

Үш күндік іріктеу процесінің қорытындысы бойынша Мэттью Хант-Браун Haileybury Almaty Бастауыш мектебінің тұрақты басшысы болып тағайындалды. Бұл қатаң іріктеуге басқа елдерден де мектеп өкілдері келіп қатысты. 

Іріктеудің соңғы кезеңінде үміткерлер Басқарушылар кеңесі мүшелерімен сұхбаттасты, мұғалімдермен сессиялар өткізді, ашық сабақтарын беріп, жазбаша тапсырмаларды орындады және презентацияларын көрсетті.  

Біздің мектепке басқа елдердің тәжірибелі мектеп басшылары қызығушылық танытып отырғанына өте қуаныштымыз. Бұл іріктеуді өткізуге бізге сыртқы кеңесшілер көмектесті, тек үздік үміткерлер таңдалды.

Мэттью Бастауыш мектепті бұрыңғы ынтасы, бұрыңғы жігерімен басқара беретініне сенімдіміз. Оның білім беру саласында әсерлі тәжірибесі, сонымен қатар оқу процесін жетілдіруге деген үлкен ықыласы бар.

Оның соңғы 13 жылдағы білім беру қызметінде жинақтаған мол білімі мен тәжірибесі оған кәсіби міндеттерді орындауға көмектеседі деп сенеміз. Ол – барлық оқушыларға жан-жақты және жүйелі білім беруді қажет деп санайтын жігерлі, жанашыр және өз ісіне берілген ұстаз.

Haileybury Almaty мектебіне келгенге дейін Хант-Браун мырза орта және аға буынның әртүрлі басшылық қызметтерін атқарды. Ол Шеффилд Халлам университетінде бастауыш білім беру бакалавры дәрежесін (QTS) алды және тез арада өзін адал және дарынды маман ретінде көрсетті. Хаддерсфилдтегі (Англия) мектепте істеген бірінші жылында ол үлгілі мұғалім ретінде танылды және төрт жыл бойы орта буын жетекшісі және сынып жетекшісі ретінде сәтті жұмыс атқарды, содан кейін ол халықаралық деңгейде жаңа тәжірибе іздеуге шешім қабылдады.

Хант-Браун мырза халықаралық білім беру саласындағы мансабын Куала-Лумпурде (Малайзия) бастады, онда ол қаланың қақ ортасында орналасқан беделді халықаралық мектепте сабақ берді. Осы мектепте математика және информатика сияқты бірнеше орта буынжетекшісі лауазымдарын атқарып, кейін директордың орынбасары қызметіне сәтті ауысты. Куала-Лумпурдағы мектепте көп жылдар бойы табысты жұмыс істегеннен кейін ол жаңа елде және ортада жаңа тәжірибе алуға шешім қабылдады және 2022 жылдың тамызында Haileybury Almaty мектебіне Бастауыш мектеп басшысының орынбасары ретінде келді. Осы уақыт ішінде ол білім беру саласындағы аға көшбасшылардың тәжірибесі мен білімін куәландыратын британдық сертификаттың Ұлттық аға кәсіби біліктілігін (NPQSL) алды.

Мэттью – "өсу ақыл-ойы" деген ұғымның жақтаушысы, ол Haileybury оқушылары мен қызметкерлеріне осы туралы жиі айтады. Бұл ұғым біздің мектепте қолданылатын жоғары тиімді оқыту тәсілімен тығыз байланысты және әр оқушы жоғары нәтижелерге қол жеткізе алады деген сенімді қолдайды. Ол сондай-ақ біз өмір бойы оқу процесінде боламыз және әрқашан өзіміздің ең жақсы қаситтерімізді танытуға ұмтылуымыз керек деп санайды.

Хант-Браун мырзаға Haileybury мектебінде және Қазақстанда болуға ұнайды және біздің мектепте әлі де көптеген табысты жылдарды өткізуге қуанышты болады.

Грэм ханым өзі оқушыларға ең жақсы білім беруге ұмтылатын адал және еңбекқор ұстаз. Ол Оксфорд университетінде бакалавр дәрежесін және Орталық Лондон университетінде (UCL) PGCE дәрежесін алды. Ол беделді "Teach First" оқытушылық бағдарламасын аяқтап, Лондонда 7 жыл сабақ берді. Ол Haileybury Almaty мектебінде екі жыл бойы жұмыс істеп келеді.

Грэм ханымның бастауыш мектепте әртүрлі жас топтарымен жұмыс істеу тәжірибесі мол және ол басшылық қызметтерді де атқарған. Ол оқу бағдарламаларын әзірлеуге құмар және бұрын Ұлыбританияда ағылшын тілі, математика, ғылым және тарих кафедрасының меңгерушісі болған. Бұл оған бастауыш мектепте оқытылатын негізгі пәндер бойынша құнды түсінік пен тәжірибе берді. Оның әртүрлі пәндерге жетекшілік ету тәжірибесі оны бастауыш мектептің оқу бағдарламасын әзірлеу үшін пән жетекшілерімен бірге жұмыс жасауға аса құнды.

Грэм ханым бізге 2021 жылы алтыншы сыныптың жетекшісі ретінде қосылды және содан бері бесінші және алтыншы сынып жетекшісіне дейін көтерілді. Ол мектептегі оқыту мен оқудың стандарттарын көтеруге белсенді түрде ұмтылады және оның мектеп бағдарламасына өзгерістер енгізудегі маңызды рөлі даусыз. Қазіргі уақытта ол бастауыш мектеп жетешісінің орынбасары қызметін атқарады, сондай-ақ үздіксіз кәсіби даму (CPD) және мұғалімдерді дамыту мәселелері бойынша барлық мектеп қызметкерлерімен бірлесіп жұмыс істеуді ұнатады.

Грэм ханымның шәкірттері оның балаға бағытталған білім беру тәсілінің және әр оқушының қолдауының арқасында әрқашан жақсы нәтижелерге қол жеткізеді. Жақында ол өзінің мамандығы бойынша оқыту мен оқуға бағытталған NPQ бағдарламасын аяқтады. Грэм ханым әр баланың жеке оқуына үлкен мән береді және балалардың тәрбиесі мен қолдауы олардың оқу үлгерімінде маңызды рөл атқаратынын біледі. Ол әр балаға ең жақсы білім беру стандартын ұсынуға тырысады және өзінің жаңа рөлін асыға күтеді.