Қоғамға қызмет ету – Haileybury мектебінің басты құндылығы.
Haileybury Almaty мектеп түлегі Илья Кан ұйымдастырған жастар қайырымдылық бастамасын қолдауға қуанышты. Бастама туралы төменде келтірілген ақпаратты оқып, уақытыңызды ең мұқтаж адамдарға арнау туралы ойлануға шақырамыз!
⠀
Біз туралы:
⠀
TFH жастар қайырымдылық бастамасының басты мақсаты – бүкіл Қазақстан бойынша COVID-19 вирусымен күресіп жүрген дәрігерлер мен медбикелердің балаларына сапалы ақысыз ағылшын тілін үйрету. Кез келген жастағы мектеп оқушылары әлемдегі ең жақсы оқу орындарында оқитын және ағылшын тілінде еркін сөйлейтін 300-ден астам студент арасынан өздеріне тәлімгерлерді таңдай алады. Қарапайым және ыңғайлы платформаның арқасында біз оқушылар мен тәлімгерлерді тез байланыстырамыз, екі жаққа да икемді кесте мен броньдаудың ыңғайлы жүйесін ұсынамыз.
⠀
Біздің мақсатымыз:
⠀
COVID-19 бізге және біздің жақын адамдарымызға қауіп төндірді. Осы қиын кездерде үйде болсақ та, болмасақ та біздің денсаулығымыз бен әл-ауқатымыз маңызды. Бақытымызға орай, бізде вирустармен күресте алдыңғы қатарда тұрған дәрігерлер мен медбикелер, медицина қызметкерлері, қаһармандарымыз бар. Бүкіл ел бойынша мыңдаған дәрігерлер мен медбикелер тәулік бойы жұмыс жасай отырып, бізді вирустан қорғайды. Олардың үйге баруға, отбасымен және балалармен уақыт өткізуге мүмкіндігі жоқ. Біз, TFH бастамасы, өз дәрігерлеріміз бен медбикелерімізге балаларына сапалы онлайн сабақтар бере отырып, қолдау көрсетуге тырысамыз.
⠀
• Егер сіз жақсылық жасағыңыз келсе
• Егер сіз мектепте немесе университетте оқитын болсаңыз
• Егер ағылшын тілін орта және одан жоғары деңгейде білсеңіз
• Егер аптасына 2 сағат бос уақытыңыз болса
⠀
Біздің командамыздың мүшесі болыңыз! Ата-аналары бізді қорғайтын балаларға ақысыз сабақтарды сыйға тартыңыз.