Білім беру саласындағы Олимпиада маманы әрі математика пәнінің мұғалімі Владимир Жуктың Қазақстан бойынша Ақордада Президент Қасым-Жомарт Тоқаевтың резиденциясында кездесуге іріктелген 10 үздік ұстаз бен бапкердің қатарына енгенін қуана хабарлаймыз.
Бұл шара Президенттің халықаралық олимпиада жеңімпаздары мен жүлдегерлерін марапаттауға арналған жыл сайынғы салтанатты жиыны аясында өтті. Салтанатты жиын барысында Мемлекеттің басшысы оқушыларды әлемдік деңгейдегі жарыстарға дайындаудағы қажырлы еңбегі үшін Владимирге «Ерен еңбегі үшін» медалін табыс етті.
Осы жазда Haileybury Almaty түлектері Тимур М. мен Әмірлан А. Халықаралық математикалық олимпиадада (IMO) Қазақстан намысын қорғап, сәйкесінше күміс және қола медальдарды жеңіп алды. Тимур Президентпен кездесуге қатысты, ал Әмірлан MIT (Массачусетс технологиялық институтында) оқуын бастау үшін АҚШ-қа ұшып кетуіне байланысты бұл шараға қатыса алмады.
Владимирді осы ұлттық марапатымен құттықтаймыз және оның математикалық білімді дамытуға қосқан зор үлесі үшін алғыс айтамыз!
