Мектеп басшылығы

Мектеп басшылығымен таныс болыңыз
Джон Коулз
Джон Коулз
Haileybury Astana мектебінің директоры
Уэльс университетінің түлегі, География пәні бакалавры, Букингем университеті, Білім берудегі көшбасшылық мамандығы бойынша магистр, Шығыс Англия университеті, PGCE, QTS
Коулз мырза білім беру саласында жиырма төрт жылға жуық еңбек етіп келеді. Қазақстанға өз отбасымен көшіп келмес бұрын Ұлыбританияның тәуелсіз үш мектебінде қызмет атқарған. Ол Haileybury Group тобымен тығыз байланысты, оны Лондон қаласынан қашық емес жерде орналасқан Haileybury U.K. мектебінде 9 жыл жұмыс істеуімен байланыстыруға болады. Өзінің қызметтік жолындағы мол тәжірибесін Haileybury Алматы мектебінде басшылық қызметте болған уақытта одан әрі толықтыра түсті деуге болады. Сандық білім беру саласын дамыта отырып, ол білім беруге қатысты түрлі конференцияларда баяндама жасаған, мысалы, BETTS конференцияларында, сонымен қатар UCL және Білім беру депарматентімен біріге отырып, орта және жоғары звено басшыларының кәсіби біліктілігін арттыру курстарында жаттықтырып, дәріс оқыған. Коулз мырзаның Қазақстанға көшіп келгеніне үш жыл болды, оған дейін жұбайы сильвиямен және ұлы Луимен Франция мен Англияда тұрған. Одығынл қосымша тілді оқу арқылы Ағылшын тілі қосымша тіл ретінде оқыту департаментінің қиыншылықтарын жақсы түсіне алғандығына сенімді. Джон өзінің бос уақытын отбасымен өткізгенді, футбол ойнап, өз ұлымен Lego құрастырғанды жақсы көреді. Оның сандық технологияларға деген қызығушылығы жоғары және жастарды қазіргі заманауи жаңа өмірге дайындайды. Ол үнемі дамуға ұмтылады, белсенді оқу, спорт, ойындар және тұтас білім арқылы дамуды қолдайды.
Жұмыстың басталу күні
2020
Инна Акопян
Инна Акопян
Мектеп директорының орынбасары
Аударма саласы бойынша Бакалавр дәрежесі, Ереван мемлекеттік университеті, 1998 ж. Білім берудегі көшбасшылық бойынша үздік куәлік, Лестер университеті, 2006 ж. Білім берудегі көшбасшылық бойынша PGCE куәлігі (Жоғары оқу орнынан кейін білім беруге құқық беретін куәлік), Лестер университеті, 2008 ж.
Инна білім саласында жиырма жылдан бері жұмыс істейді. Қазақстанға қоныс аударғанға дейін ол әртүрлі британдық және халықаралық мектептерде жұмыс істеді. Ол Ұлыбритания мен шетелдегі әр түрлі мектептерде 10 жылдан астам басшылық қызметтерді атқарған және жаңа міндеттерді шешуге құлшына кірісіп кетті. Инна мұғалімдік қызметке келмей тұрып, БҰҰ (Біріккен ұлттар ұйымы) мен Дүниежүзілік банк сияқты түрлі халықаралық ұйымдардың жобалық менеджері мен аудармашысы ретінде қызмет атқару арқылы мол тәжірибе жинақтады. Бұл рөлдер оған әлем бойынша саяхаттауға және жаңа мәдениеттер мен тілдерді үйренуге деген құмарлығын дамытуға мүмкіндік берді. Ол тіл жанашыры, өзі 7 тілде еркін сөйлей аладі. Оның бірнеше шет тілін білуі оған Ағылшын тілін қосымша тіл ретінде оқитын (EAL) студенттер кездесетін қиындықтарды түсінуге көмектесті. Инна тілдерді білу бізге айналамыздағы әлемді зерттей отырып өзімізді жақсартуға, әртүрлі елдерден келген адамдармен сөйлесуге және басқа мәдениеттерді тереңірек түсінуге мүмкіндік береді деп сенеді. Инна музыкамен әуестенеді, бос уақытында фортепиано мен скрипкада ойнайды. Оның өзге әуес істеріне саяхаттау және халықаралық тағамдар дайындауды жатқызуға болады.
Жұмыстың басталу күні
2020
Кэрри Синклэр
Кэрри Синклэр
Бастауыш мектеп директоры
Білім беру саласы бойынша бакалавр дәрежесі, білікті ұстаз, Тринити-колледжі, Уэльс университеті, Ұлыбритания, 2003 ж. Классикалық пәндер бойынша білім беру туралы PGCE куәлігі (Ежелгі діндер) (Жоғары оқу орнынан кейін білім беруге құқық беретін куәлік), Тринити-колледжі, Уэльс университеті, Ұлыбритания, 2015 ж. Басқару ісі бойынша Ұлттық кәсіби білікті маман иесі
18 жылдық педагогикалық жұмыс тәжірибесі бар, оның 15 жылында басшылық қызмет атқарған Синклер ханым бізге Біріккен Араб Әмірліктерінде алдыңғы қатарлы мектептен келді, бұл мектепте ханым соңғы тоғыз жыл бойында директордың орынбасары болған. Өз еңбек жолында Синклер ханым әлемнің түрлі халықаралық мектептерінде жұмыс істеген: Оңтүстік Америка, Еуропа, Азия және Орта Азияда. Ол BSO аккредитацияланған инспекторы және халықаралық деңгейде түрлі топтардың қалыптасуына өз үлесін қосқан. Синклер ханым білім берудің жоғары сапалы болғанын жөн санайды және оқушылардың қызығушылықтарының басым болуына жағдай жасауға тырысады. Ханым оқушылардың табандылығы мен дұрыс ойлау қабілеттері бар кезде олардың мүмкіншіліктерінің шексіз болатындығына сенеді. Ол мұғалімдерді дамыту және көшбасшылар курсының (OLEVI) куәландырылған тәлімгері және тәлімгерлік стратегияларын білім алушыларды шабыттандыруға, олардың өз білімдері мен күштерін толыққанды жұмсаулары үшін қолданады. Синклер ханым таза ауада жаттығу жасап, жазумен айналысқанды жақсы көреді, қазіргі таңда оның жазба жұмыстарының бір бөлігі антологияларда жарық көрген. Ханым Haileybury мектебіне күйеуі және екі баласымен келіп қосылды, оның жұбайы Haileybury музыкадан сабақ береді.
Жұмыстың басталу күні
2021
Роберт Каннингем
Роберт Каннингем
Орта мектеп директорының оқу ісі жөніндегі орынбасары
География саласы ғылымдарының бакалавры, Университеттік Корк колледж, Ирландия, 2004. Білім беру саласының өнер Магистрі, Лестер Университеті, Ұлыбритания, 2013. PGCE куәлігі (Жоғары оқу орнынан кейін білім беруге құқық беретін куәлік), Брайтон университеті, Ұлыбритания, 2005 ж.
Әкімшілік және ұстаздық қызметте жиырма жылға жуық қызмет атқарған Каннингем мырза осы оқу жылынан бастап Haileybury Astana мектебінің ұжымына қосылғанына қуанышты. Ол Ұлыбритания, Таиланд корольдігі және БАӘ елдерінде, сонымен қатар Қытайда жұмыс істеген. Каннингем мырза CIS (Халықаралық мектептер Кеңесі) ұйымының аккердиттелген инспекторы. Ол рефлексивті іс-тәжірибе тұрақты өсу мен білім беру ісіндегі дамудың ең басты кілті болып табылады деген пікірде. Халықаралық деңгейде жұмыс істеу тәжірибесі жеткілікті Каннингем мырза оқушылардың ағылшын тілін білу деңгейлерін көтеруге көмектесіп, өз әлеуеттерін мейлінше толығырақ ашуға қолдау көрсетуге асық. Ол оқушыларға мектеп бітіріп шыққаннан кейін басталатын болашақ өмірлерінде де қолдау көрсету мақсатында технология күштерін кеңінен пайдалануға көп қызығушылық танытуда. Роб жұбайымен және екі ұлымен ел-жер аралап, саяхаттағанды жақсы көреді. Оның жұбайы да Haileybury Astana мектебінде мұғалім болып жұмыс істейді. Спортпен, оның ішінде әсіресе рэгбимен айналысуға көп көңіл бөледі.
Жұмыстың басталу күні
2022
Эмма Грикманис
Эмма Грикманис
Бастауыш мектеп директорының орынбасары
Бастауыш мектептегі педагогика саласы бойынша өнер Бакалавры, Вустер Университет, Ұлыбритания, 2005 ж.
Ағымдағы жылды қоса есептегенде, Грикманис ханымның ұстаздық қызметте жүргеніне 18 жыл. Грикманис ханым Haileybury Astana мектебіне Тайланд корольдігінің Бангкок қаласынан келіп отыр. Бангкоктағы жұмыс уақытында Грикманис ханым бірнеше басқарушы лауазымдарда болды; 5 жыл бойы мектепке дейінгі білім бөлімін басқарды. Ұстаздық еңбек жолын ол кішкентай балалармен жұмыс істеуге, бастауыш сыныптарда сабақ беруге және әртүрлі басшылық қызметтерді атқаруға арнаған. Ол Ұлыбританияда, Таиландта және Гонконгта жұмыс істеген жылдарында түрлі мәдениет пен ұлт өкілдерінен жиналған балаларды оқыту мен оқуға бейімдеуде үлкен тәжірибе жинақтаған. Грикманис ханым балалардың бір-біріне ұқсамайтын, қайталанбас машықтары мен қабілеттерінің дамуын бақылағанды ұнатады, сол әрекеті арқылы барлық оқушылардың өз беттерімен өсіп-жетіліп, табысқа жетулеріне мүмкіндік береді. Ол сондай-ақ балалардың қауіпсіз және бейбіт оқу ортада білім алуын қамтамасыз етуді және барлығының әл-ауқатын жақсарта түсуді өз алдына мақсат етіп қойған. Ханым балалар өздерін қауіпсіз сезініп, өздерін құрметтейтінін түсініп, қоршаған ортадан қамқорлық көретін болса, білім алуда да зор жетістіктерге қол жеткізе алатындарына сенімді. Грикманис ханым мектептен тыс уақытта тоқыма тоқу, сурет салу және ән айту сияқты шығармашылықпен айналысқанды жақсы көреді. Ол сондай-ақ ғимараттар мен салынып жатқан құрылыстарды зерттеп, түрлі ұлттардың сан алуан тағамдарынан дәм татқанды ұнатады. Грикманис ханым күйеуімен бірге Қазақстанға келетін күнін тағатсыздана күтуде. Сонымен қатар ол Haileybury Astana қауымдастығының бір мүшесі болғанына өте қуанышты.
Жұмыстың басталу күні
2022
Біз осы сайтта cookie файлдарын қолданамыз. Осы сайтты пайдалана отырып, сіз cookie файлдарын орналастыруға келісесіз Қосымша ақпарат