«Әлемнің ең үздік университеттері» кеңес беру қызметі

Haileybury Astana мектебі Ұлыбритания, АҚШ және Канаданың университеттеріне түсуде кең спектрлі қолдау көрсету қызметін ұсынады.

«Біздің сізге әлемдегі көптеген ғылым, бизнес, медицина және құқық, сондай -ақ басқа да көптеген мамандықтар бойынша ең үздік университеттерінен шақыртулар алуға және өтініш беруге көмектесетін тәжірибеміз, білім мен байланыстарымыз бар. Сонымен қатар біз қаржылық көмекке мұқтаж студенттерге шәкіртақылар мен қаржылық қолдау көрсететін университеттерді табуға көмектесеміз ». - дейді Стокерманс мырза.

Haileybury Astana мектебі «Әлемнің ең үздік университеттері» жоғары оқу орындарына түсуге байланысты кеңес беру қызметімен бірлесе жұмыс істейді, бұл кеңес беру қызметінің басты міндеті оқушыларға әлемнің бәсекеге қабілетті университеттеріне түсуге көмек беру болып табылады, оның ішінде АҚШ-тағы Ivy League университеті, сондай-ақ Ұлыбританиядағы Оксфорд, Кэмбридж, Russell Group университеттері де бар.

Әлемнің кез келген университетіне оқуға түсуді жоспарлаған студенттер сөзсіз ең жақсы таңдау жасауға көмектесетін арнайы көмек пен кеңестерге қол жеткізе алады. Haileybury Astana мектебі әр студенттің тестілеу кезеңінде болсын, эссе жазу, материалдық көмекке өтініш беру кезінде және сұхбаттасу кезінде болсын, өзіне қажет барлық қолдауды қолдану мүмкіндігіне ие болатындығына кепілдік береді. Сондай-ақ балаларға арнайы түсу емтихандары кезінде көмек көрсетіледі (мысалы, Оксфорд пен Кембридж).

Haileybury Astana мектебінің барлық студенттері біздің жоғары білікті және өз істеріне адал берілген қызметкерлеріміз басшылық жасайтын әртүрлі іс-шаралар арқылы әлеуметтік және интеллектуалды дамуға мүмкіндік алады.

Оның құрамында:

  • Біріккен Ұлттар Ұйымының Үлгісі мен талқылау тобы
  • Эдинбург герцогінің Халықаралық сыйлығы
  • Орталық Азияның өзге алдыңғы қатарлы мектептерімен өткізілетін спорттық сайыстар
  • Кәсіби бағдар беру және өмірлік дағдыларға бейімдеу
  • Теңқұқылы тәлімгерлік және қоғамдық жұмыстар
  • Студенттік басқару және Үй жүйесі арқылы көшбасшылықты дамыту мүмкіндіктері

Біз кімбіз?

УНИВЕРСИТЕТКЕ ТҮСУ КЕЗІНДЕ ҚОЛДАУ ЖӘНЕ КЕҢЕС БЕРУ ҚЫЗМЕТІ

"World’s TOP universities"

”World’s TOP Universities” консалтинг агенттігінің директорлары Стив Стокерманс және Ана Муньос Лопера Канада, Жапония, Испания мен Таяу шығыс орта мектептері мен университеттерінде жұмыс істеген 15 жылдық еңбек өтілі бар, сондай-ақ АҚШ, Канада, Еуропа мен Азия елдерінің университеттеріне қабылдау бойынша сарапшылар болып табылады.

Біздің оқушыларымыз төменде көрсетілгендей университеттерге түсіп, студент атануда:
- АҚШ: Массачусетс технологиялық институты, Гарвард, Принстон, Йель, Колумбия университеті, Корнелл, Берклидегі Калифорния университеті, Нью-Йорк университеті, Дьюк, Чикаго университеті …
- Ұлыбритания: Кембридж, Оксфорд, Лондон колледж Университеті (UCL), Лондон экономика мектебі (LSE), Лондон Империя Колледжі, патшайым Мария Лондон университеті, Манчестер Университеті …
- Еуропа: Эрасмус, Гронинген, Амстердам университеті, саяси зерттеулер Институты (Париж), Вена экономика және бизнес университеті, Женева университеті, Карла III атындағы Мадрид университеті, ESADE, IE, Боккони Университеті...
- Азия: (Жапония) ICU, Keio, Waseda, Sophia. (Корея) KAIST, (Гонконг) HKUST, HK Poli, (Сингапур) NUS/Yale, Nanyan Tech, (Австралия): Monash, Melbourne, Sydney, Queensland, SP Jain ...
- Канада: Торонто, Макгилл, UBC, Ватерлоо, Куинс, Далхаузи..

"World’s TOP universities"

Біз не ұсына аламыз:

  • Жоспар құру және оны ұстану үшін үнемі әңгімелесу жүргізу, кеңес беру
  • Сабақтан тыс іс-шаралар: Сіздің тарихыңызды жоспарлау және құру
  • Эссе жазу: Сіздің эссеңіздің аяқталмаған әрі соңғы нұсқасы бойынша көмек беру
  • Шәкіртақы іздестіру және өтінішті беру процесі
  • Тәлімгерлік, оқу және тәжірибеден өту. Ұқсауға тырысарлық Үлгі табуға көмек көрсету
  • Жаздық бағдарламалар: SAT Boot Camp, көшбасшылық, академиялық пәндер.

Біз кешенді қарастыру әдісіміз арқылы оқушыларымызды Солтүстік Америка мен Ұлыбритания университеттеріне қабылдану процесінің барлық кезеңінде қолдаумен қамтамасыз ете аламыз. Біздің жұмысымыздың негізінде әрбір оқушының жоғары оқу орнына түсудегі әрбір аспектісі бойынша жеке дара қолдауды қажет етеді деген сенім жатыр, университетті таңдау стратегиясынан, емтиханға дайындыққа дейін және жеке өтініш / эссе жазудан бастап, сыныптан тыс тәлімгерлік пен пікірлесуден өту тәжірибесіне дейін көмек беру.

Біздің кеңесшілеріміз бен тәлімгерлеріміздің  түйіндемелері өте әсерлі, жоғары деңгейлі:

АМЕРИКАНДЫҚ ЖӘНЕ ХАЛЫҚАРАЛЫҚ УНИВЕРСИТЕТТЕРГЕ ТҮСУ БОЙЫНША КЕҢЕСШІ

Стив Стокерманс, директор

Тринити Колледжі, Торонто университеті (халықаралық қарым-қатынастар бакалавры)
Комильяс университеті, Мадрид (саяси ғылымдар магистрі)
Лондон университеттік колледжі. Білім беру саласындағы көшбасшы. Магистр
Канадалық. 3 мемлекеттен алған 3 диплом иесі.
Торонто университетінде студенттерді қабылдау бөлімінде жұмыс істеген.
Испания, Британдық Колумбия және Жаңа Шотландия, Канадада білім беру лицензиясына ие
Халықаралық Бакалавриат көшбасшы біліктілігі (UCL)
Синсю (Жапония) университетінде жұмыс істеген.
Канада, Испания және Сауд Арабия елдерінің мектептерінде жұмыс істеген (жоғары мектеп директорының орынбасары, ағылшын тілі, тарих, карьера мәселесіне қатысты кеңес беруші).
Нью-Йорктегі және Вашингтондағы колледждерге қабылдану кезінде, сонымен қатар Айви Лигасына (Ivy League) және Солтүстік Американың жоғары деңгейлі білім орындарына түскісі келетін Таяу Шығыс студенттері үшін элиталық қабылдау агенттіктерінің кеңесші маманы.
Стив Стокерманс, директор

13-сынып оқушысы Махели әлемнің алдыңғы қатарлы жеті жоғары оқу орнынан шақырту алды. Haileybury мектебі жоғары мектебінің бұл оқушысы беделді, озық лондондық университеттерден шақыртуға қол жеткізе алды; Goldsmiths College, Royal Holloway және Queen Mary Лондон университетіне. Ол сонымен қатар Амстердам университетіне де қабылданды.

«World’s TOP universities» беделді университеттердің кеңесшілер қызметі қабылдау комиссиясының директоры Ана Исабель Муньос Лоперамен кеңесіп алмас бұрын, Махелидің университетте қандай білім алғысы келетіндігі жайлы нақты таңдауы болмады. Алғашында ол спорт менеджменті мамандығын таңдаған болатын, алайда Лопера ханым оған өз қызығушылықтарына назар ударып, тереңірек зерттеу туралы кеңес береді.

«Белгілі бір пәнді таңдау үшін маған өз қасиеттерім мен сүйікті ісім, қызығушылықтарым туралы ойлануға кеңес берді. Мені әлемдік саясат қызықтырады және мен жақсы шешенмін, келісті сөйлей аламын. Осының негізінде мен өзіме саясаттанудың қажет екенін түсіндім, оны біздің университетке қабылдау жөніндегі кеңесші де қолдады».

Махели өзінің мұғалімдерінің тарапынан орасан зор қолдауға ие болды, ұстаздары оның тілегі мен мақсатын жүзеге асыруға жәрдем берді.  

«Мен Фрейзер ханымға маған көрсеткен қолдауы үшін алғысымды білдіргім келеді, ол британдық жоғары оқу орындарына түсу үшін және менің уәждемелік хатымды жақсарту туралы нақты кеңестер бере білді».

АМЕРИКАНДЫҚ ЖӘНЕ ХАЛЫҚАРАЛЫҚ УНИВЕРСИТЕТТЕРГЕ ТҮСУ БОЙЫНША КЕҢЕСШІ

Ана Изабель Муньос Лопера, директор

Сарагоса университеті, ағылшын филологиясының бакалавры; Лондон Университеттік колледжі, педагогикалық көшбасшы саласының магистрі, Саламанка университеті, бастауыш мектепте білім беру бакалавры.
Ана – шығу тегі испандық, Канадада тұрады, Сарагоса университетінің магистрі дәрежесіне ие, (ағылшын филологиясы) және Лондон Университеттік колледжі (педагогикалық көшбасшы саласының магистрі, Халықаралық бакалавриат). Ол Канадада білім беру біліктілігін алу үшін Торонто университетінде білім алған. Ол Еуропадағы Erasmus халықаралық алмасу бағдарламасының директоры қызметін атқарған және жоғары сынып оқушыларын Еуропа мен әлемнің түрлі мектептеріне, сондай-ақ жоғары оқу орындарына жіберіп отырған.

Ана Жапонияда да жұмыс істеген, сонымен қатар Таяу Шығыста мемлекеттік шәкіртақы агенттіктерінде маман ретінде, Нью-Йорк пен Вашингтонда Солтүстік Америка, Ұлыбритания, Еуропа мен Азияның жоғары оқу орындарына түсумен тікелей айналысатын элиталық университеттер кеңесші болып қызмет етеді.
Ана Изабель Муньос Лопера, директор

Haileybury Astana мектебінде армандар орындалады! Жанерке, Haileybury Astana мектебінің 13-сынып оқушысы, Канаданың University of British Columbia университетінің студенті атанды. Біздің мектебіміздің түлегі осы алдыңғы қатарлы жоғары оқу орнында қолданбалы ғылымдары бойынша білім алу үшін 100% шәкіртақыға ие болды.

Екі жыл бұрын Жанерке Haileybury Astana мектебіне Халықаралық бакалавр бағдарламасына арнайы шәкіртақы бағдарламасы арқылы қабылданған болатын. Бұл оған өмірден өз орнын табуға және әлемнің ең үздік жоғары оқу орындарының біріне түсуге дайындалуға мүмкіндік берді. Ана Исабель Муньос Лопера ханым кеңесші бола отырып, Жанеркенің осындай керемет жетістікке қол жеткізуіне өз көмегін берді.

ҰЛЫБРИТАНИЯ УНИВЕРСИТЕТТЕРІНЕ ҚАБЫЛДАНУ

Фэй Фрейзер ханым

Музыка саласының бакалавры (үздік дипломмен), Кингстон университеті, 2009 ж.; Музыка саласы бойынша Дипломнан кейінгі білім беру куәлігі бағдарламасы (PGCE) (орта мектеп бойынша), Лондон университеті, 2010 ж.
Фрейзер ханым университетке түсу бойынша комитетті басқарады, сол арқылы оқушылардың өз өтініштерін қадағалап отыруларын қамтамасыз етеді. Ол Ұлыбритания университеттеріне өтінім беру ісін басқарып, UCAS процесіне жауап береді.
Фэй Фрейзер ханым

Haileybury Astana мектебіне қуанышты хабарлардың толассыз келуі тоқтар емес. Санжар, 13-сынып оқушысы, Канаданың Торонто университетіне қабылданды, бұл Times Higher Education рейтингісі бойынша әлемнің ең алдыңғы қатарлы, үздік оқу орындарының бірі болып саналады. Торонто Санжарға орын ұсынып қана қоймай, оны Торонто Университетінің арнайы халықаралық сыйақысымен де марапаттады.

Санжардың айтуы бойынша, оның университетке қабылдану бойынша кеңесшісі Ана Изабель Муньос Лопера өзі таңдаған оқу орнына өтінім берудің әр процесінде айтулы көмегін аямай, қолдау көрсетіп отырған.

Халықаралық бакалавриат бағдарламасының басшысы Фэй Фрейзер ханым Торонто Университетінің болашақ студентіне сол оқу орнының шәкіртақысына ие болу үшін құнды кеңесін берген.

«Мен Фрейзер ханым туралы тек жақсы сөздер айта аламын, өйткені оның соңғы18 күнде көрсеткен көмегі мен қолдауының арқасында өзімнің қатты толқынысым мен байбаламымды айтарлықтай баса алдым. Ол керемет адам!»

ҰЛЫБРИТАНИЯ УНИВЕРСИТЕТТЕРІНЕ ТҮСУ

Андреа Ангaс

Математика пәні бойынша Бакалавр, Дипломнан кейінгі білім беру куәлігі бағдарламасы (PGCE) Орта мектептегі математика
Ұлыбританияда білім беру бойынша қомақты еңбек өтілі бар. Танымал әрі үздік мектептерде басқарушы қызметтерін атқарған, оның ішінде, 3-18 жас аралығында балаларға білім беретін Әулие Колумб мектебінің директоры, сонымен қатар Абердиндегі Роберт Гордон колледжінде ересек мектеп директоры және Эдинбургтегі Мэри Эрскин зерттеулер мектебінің директоры болып жұмыс істеген. Ол білім беру ісіне толығымен берілген.

Ол зияткерлік қызығушылықты, шығармашылық пен батылдықты, сондай-ақ басқаларға жанашырлық пен қамқорлық көрсетуді арттыруды басты мақсат ететін керемет білімнің құндылықтарына толықтай берілген. Ол әр жас адамның өсіп-өркендеуге, дамуға және өз-өзін шынықтырып отыруға мүмкіндігі болуы керек, яғни өзінің ең жақсы нұсқасы болуға тырысуы керек деген философияға берік.
Андреа Ангaс

Біз мұны қалай жүзеге асырамыз?

Оқушымен жеке пікірлесу жүргізу

Оқушымен және оның ата-анасымен жеке сұхбат, бастауыш сыныптан бастап тұрақты кездесулерді жүзеге асыру. Сіздің балаңыздың мақсаттары қандай? Университеттер мен мамандықтардың оңтайлы үйлесімін іздеу.

Оқушының өзгелерден ерекшеленуі үшін не істеу керек?
  1. Қандай жоспар?Оқушының өзгелерден оқшау тұруы үшін не істеу керек? 
  2. 1-бет. Ағылшын тілінен тест тапсыруға дайындық (TOEFL немесе IELTS)? IELTS тапсырудағы мақсат - 7,5, TOEFL тапсырудағы мақсат - 100
    1. Қосымша жәрдем қажет оқушыларға репетиторлық көмек көрсету.
    2. Мектепте TOEFL және IELTS бойынша сынақ тестін тапсыру.
  3. 2-бет.  Мектептегі академиялық жақсы үлгерімге қол жеткізу. Жоғары мектепте оқушыға қажетті әрі сай келетін курстарды дұрыс таңдауға көмектесу және бағалардың қажетті деңгейде болуына қадағалау жасау.  A Level халықаралық деңгейде жоғары бағаға ие, сол себепті де негізгі пәндерден алған бағаларыңыз сіздің алға жылжуыңызға көмектеседі. Оқушы мен мұғалім арасында тығыз байланыстың болуы оқушының ең жоғары көрсеткіштер мен жетістіктерге қол жеткізе алатындығының кепілі.
Академиялық жақтан үздік болу
  1. 3-бет. Қосымша академиялық жетістік.  
  2. Американдық және өзге де халықаралық жоғары оқу орындарына түсу үшін SAT дұрыс дайындалу.
    1. Мектепте SAT бойынша сынақ тестін тапсыру
    2. SAT сынағын тапсыру бойынша Клуб
  3. АҚШ жоғары оқу орындарына баратын оқушылар үшін АР емтихандары. Бұл емтиханға қалай дайындалуы керек?
    1. Медицина, ғылым мамандықтары бойынша оқуға түскісі келетін студенттер үшін бұл сыртқы емтихандар қолжетімді, бұл емтихан қорытындылары АҚШ мемлекетіне оқуға түсу үшін өткізетін өтініш құндылығын арттырады.
  4. Математика және информатика пәндері бойынша олимпиадалық сайыстар да кейбір жоғары оқу орындарына түсуге қажетті марапаттар болып табылады, мысалы Массачутес технологиялық институты.
    1. Олимпиадалық сайыстарға қатысуға қолдау көрсету.
  5. Зерттеу жұмыстары, жарияланған мақалалар, ғылыми көрмелер, қосымша тілдік куәліктер… Осының барлығына қосымша сіздің академиялық беделіңізді көтеретін айғақтар.  
    1. Мектептегі іс-шаралар мен жаңа клубтарды басқару мүмкіндігін ұсыну
    2. Құжаттарды тапсыруда туындаған сұрақтар бойынша кеңес беру және байланыстар орнату

Оқушыны қызықтырған университетіндегі жаздық курстар. Йель университетіне оқуға түскіңіз келе ме? Йель университетінің жаздық курсына барыңыз, өзіңізді көрсетіп, мақтау қағазын алыңыз, марапатқа ие болыңыз.

Жоғары деңгейлі оқу орындары сіздің өздеріне сай екендіктеріңізді білгілері келеді
    1. 4-бет. Сыныптан тыс сабақтар мен жеке эссе. Жоғары деңгейлі оқу орындары сіздің өз оқу орнында оқуға лайықты екендігіңізді білгілері келеді.
      1. Мектептен тыс өзіңіз айналысатын нақты істердің шағын тізімі.
      2. Сіздің көрсетуіңіз керек:
        1. БЕЛСЕНДІЛІК.  Өзгенің жолымен жүріп қою жеткіліксіз, өзіңіздің жеке дара жолыңызды бастаңыз.
        2. КӨШБАСШЫЛЫҚ/ҰЙЫМДАСТЫРУ. Өзіңіздің ұйымдастыру жұмыстарыңызды ең тиімді түрде жүзеге асырғаныңызды және оның болашақта ұзақ уақыт бойы өзіңізге қызмет ететіндігін көрсете аласыз ба?
  • ҚОҒАМҒА ҮЛЕС ҚОСУ
  • Университетіңіздің сізге не істей алатындығын сұрамаңыз, оның орнына өз қоғамыңыз үшін не істей алатындығыңызды сұраңыз.

 

Біз осы сайтта cookie файлдарын қолданамыз. Осы сайтты пайдалана отырып, сіз cookie файлдарын орналастыруға келісесіз Қосымша ақпарат