Спорт бөлімі

«Спорт әлемді өзгерте алады. Спорт шабыттандыра алады, спорт басқа ешкімнің қолынан келе бермейтін көпшіліктің басын біріктіруде алдына жан салмайды. Ол жастармен олардың түсінетін тілінде сөйлесе алады. Спорт күйініш пен өкініш орнаған жерде үмітке даңғыл жол ашып беруге қабілетті». (Нельсон Мандела, 2000 ж.).

Haileybury Astana мектебіндегі дене тәрбиесі пәні

Біз Haileybury Astana мектебінде білім алып жатқан барлық оқушылардың жас ерекшеліктеріне және қабілеттеріне сәйкес келетін спорттық іс-шаралардың кең спектрін ұсынамыз.

Мектебіміздің әрбір оқушысының дене тәрбиесі арқылы физикалық, әлеуметтік және эмоционалды түрде тұрақты даму әлеуетін арттыратына кәміл сенеміз. Оқу бағдарламасына сәйкес мектеп жасына дейінгі балалардан бастап жоғары сынып оқушыларына дейін қызықты және пайдалы, алуан түрлі сабақтар ұсынамыз. Біз жастардың мүмкіндіктерін кеңейту барысында спорттың әсері мен әлеуетінің пайдалы болатындығына күмәніміз жоқ.

Бастауыш мектепте дене тәрбиесі пәні бойынша біздің ұстаздарымыз физикалық сауаттылық пен негізгі моториканы дамытуға баса назар аударады. Біз сондай-ақ жалпы, ұсақ және перцептивті моториканы да назардан тыс қалдырмай, бірге дамытуға тырысамыз.

Орта мектепте оқушылардың барлық спорт түрлері бойынша меңгерген дағдыларын одан әрі дамыта түсу үшін қайталау, пысықтау жұмыстарын жүргіземіз. Біз сонымен қатар білім алушылардың көшбасшылық қасиеттері мен әртүрлі мәселелерді шеше білу, ойлану және нәтижелерді талдай білу қабілеттерін жетілдіруге назар аударамыз. Мектеп оқушыларының әрқайсысының жеке қабілеттілік деңгейіне қарамастан, инклюзивтілігі мен өз бетінше даму әлеуетіне толықтай сенім білдіреміз. Оқушыларға ұсынатын оқу бағдарламамыз келесі бағыттарды қамтиды:

Haileybury мектебінің спорт бөлімі төмендегі сыныптан тыс бағдарламаларды ұсынады: бұл бағдарламалар жыл бойы өткізіледі және оқушыларға жергілікті, аймақтық және ұлттық деңгейде жаңадан бастаушы кезеңнен әр саланы жетік меңгеруге дейін бәсекелестік тұрғыда дамуға мүмкіндік береді. Біз ұстаздарымыздың жаттықтырушы қызметтерінде және оқушыларымыздың даму жолында инклюзивтілікке және кемелдікке ұмтылуды еш тоқтатпайтындарына нық сеніммен қараймыз.

Гимнастика және кедергіні жеңу

Қабырға және тор ойындары

Басып алу, шабуыл жасау ойындары

Жүзу

Көпбағытты ойындар

Соққы беру және филдинг қолдану ойындары

Нысана көздеу ойындары

Haileybury Astana мектебінде сыныптан тыс спорттық іс-шаралар бағдарламасы көпшіліктің сұранысына ие болуда

Мектебіміз 3 спорт маусымынан - футбол/ футзал, баскетбол және волейболдан, сондай-ақ футбол маусымынан (U14 жастан төмен оқушылар үшін) тұратын жергілікті COASH спорт конференциясына белсенді қатысады.

Осы лигамен қатар Орталық Азия жеңіл атлетика федерациясы (ОАЖАФ) да бірге жұмыс істейді. Бұл маусымдар COASH маусымдарымен қатар өтеді, бірақ өңірлердің басқа қалаларына, соның ішінде Алматы, Бішкек, Ташкент және басқа да қалаларға сапар шегу орын алуы күтілуде. Өткізілетін орындар жыл сайын өзгеріп отырады және қосымша төленеді.

Төменде берілген айтулы күндер спорттық бағдарламалар күнтізбесінің көрсеткіші болып табылады. Бұған жыл бойы бағдарламаға үнемі қосылып отыратын жергілікті жарыстар енгізілмейді.

Бұл бағдарламаларға қосымша біз жүзу бойынша да түрлі жарыстарды өткізетіндігімізді айта кетуді жөн көріп отырмыз. Бұған мектепішілік жарыстар, мектепішілік командалық жарыстар, сондай-ақ Астанадағы жергілікті клубтармен кездесулер кіреді.

Біз жыл сайын дене тәрбиесі пәнінің бағдарламасын үнемі жетілдіріп, дамытып отырамыз, сонымен қатар келесі жылдары көбірек мүмкіндіктер ұсынуға тырысамыз.

⠀

Баскетбол

Haileybury Astana мектебінде біз кіші және жоғары сыныптарға бірдей баскетбол ойынын ұсынамыз. Бұл бағдарлама оқушылардың баскетбол ойнау қабілеттерін дамыта түсуге, сондай-ақ спортпен шұғылданудың негізгі дағдыларын дамытуға бағытталған.

Соынмен қатар спортқа жаңадан қосылған білім алушыларға да, сондай-ақ кәсіби деңгейде айналысып жүрген 3-13 сынып оқушыларына да арналған спорт секциялары бар. Соңғылары академиялық оқу жылы бойы Ұлттық жасөспірімдер баскетбол қауымдастығы мен COASH жарыстарының сыныптан тыс жарыстарына қатысады.

МАУСЫМ 2

Баскетбол бойынша өткізілетін сайыстар: 21 қараша - 18 ақпан, 2023 ж.
U14 жастан төмен оқушылар арасындағы жарыс: 25 ақпан, 2023 ж.
CAFA CABC: 16 - 19 ақпан аралығы, 2023 ж. Ташкент, Өзбекстан.
U11 жастан төмен оқушылар арасындағы жарыс: 15 сәуір, 2023 ж.

Спорт департаментінің жетістіктері

⠀

Футбол/Минифутбол

Футбол және мини-футбол бағдарламалары 3-тен 13-ке дейінгі сыныптар аралығында өтеді. Біздің жаттықтырушыларымыз Ұлыбританияда да, Қазақстанда да үлкен тәжірибеге ие және коучингтің базалық және элиталық деңгейлерінде де айтарлықтай табысты екендігін мақтанышпен айта аламыз.

Біз өз секцияларымызда жан-жақты болуға ұмтыламыз, сонымен қатар спортта жақсы жетістіктерге қол жеткізу, кемелдікке жету мүмкіндіктерін ұсынамыз. COASH секциялардың негізгі бағыты болып табылады; біз сондай-ақ жыл бойы жергілікті, аймақтық және ұлттық іс-шараларға қатысамыз.

Маусым 4

Сайыс: 8 мамыр - 10 маусым аралығы, 2023 ж.
U14 жастан төмен оқушылар арасындағы жарыс: 10 маусым, 2023 ж.
U11 жастан төмен оқушылар арасындағы жарыс: Суббота 3 маусым, 2023 ж.

Haileybury Astana және Haileybury Almaty мектептері арасындағы футбол сайысы

⠀

ЖҮЗУ

Мектебіміздің жүзу бағдарламасы прогресті бақылау және бағалау үшін Англияның әуесқой жүзушілер қауымдастығының (ASA) стандарттарын қолданады; бұл деңгейлер 1-ден 9-ға дейінгі аралықты қамтиды. Ол спорт әлеміне жаңадан қосылған оқушылардың спорттағы шеберлік деңгейлері мен қабілеттерін анықтайды.

Жаттықтырушыларымыздың жүзудің барлық саласында көп жылдық тәжірибесі бар; сондықтан біздің бағдарлама әртүрлі деңгейдегі барлық жүзушілерге жарамды болып табылады. Қазіргі уақытта біздің бағдарлама 3-тен 13-ке дейінгі сыныптарға арналған.

⠀

СПОРТТАҒЫ ЖЕТІСТІКТЕР