CIS and NEASC қайта акредиттеу

Haileybury Astana мектебі Халықаралық мектептер кеңесі (CIS) және Жаңа Англия мектептері мен колледждер қауымдастығымен (NEASC) бірлесіп өткізілген 18 айлық қатаң тексеру процесін сәтті аяқтады және аталған беделді ұйымдар тарапынан ресми түрде қайта аккредитациядан өтті.

Бұл маңызды жетістік біздің халықаралық білім беру саласындағы жоғары стандарттарды ұстанатынымызды және мектепті үнемі жетілдіруге деген берік ниетімізді тағы бір рет дәлелдейді. CIS және NEASC аккредитациясы – бүкіл әлемде мойындалған көрсеткіш, ол Haileybury Astana мектебінің оқыту сапасы, басқару жүйесі, оқушылардың әл-ауқаты және мектеп басшылығы салаларында қойылған талаптардан жоғары деңгейде екенін растайды.

Haileybury Astana мектебінің CIS және NEASC тарапынан аккредитациядан өтуі оқу сапасын арттырып, оның халықаралық беделін нығайта түсетін бірқатар артықшылықтар береді:

1. Халықаралық мойындау және ЖОО-ларға қолжетімділік

CIS және NEASC аккредитациясы – қатаң халықаралық білім беру стандарттарына сай екенін көрсетеді. Бұл ата-аналар мен оқушыларға мектептің сапалы білім беруге деген ұмтылысын дәлелдейді. Сондай-ақ, әлемнің жетекші жоғары оқу орындары CIS аккредитациясын мойындайды, бұл түлектер үшін жоғары білімге көшу үдерісін жеңілдетеді.

2. Үздіксіз дамуға деген адалдық

Аккредитация үдерісі мектептің әртүрлі салалардағы қызметін жан-жақты бағалауды қамтиды. Haileybury Astana мектебінің соңғы алдын ала бағалау есебінде бірнеше саладағы жетістіктер ерекше атап өтілді. Бұл мектептің сапаға және үнемі даму жолына берік екендігін көрсетеді.

3. Білім беру тәжірибесінің жақсаруы

CIS/NEASC аккредитациясы миссияға негізделген және оқушыға бағытталған тәсілді алға тартады, ол оқушылардың жан-жақты дамуын қамтамасыз етеді. Бұл Haileybury Astana мектебінің тек стандарттарға сай болумен ғана шектелмей, олардан асып түсуге ұмтылатынын дәлелдейді.

4. Халықаралық желіге қолжетімділік

CIS және NEASC қауымдастықтарының мүшесі бола отырып, Haileybury Astana әлемнің түрлі халықаралық мектептері мен оқу орындарымен байланыс орнатады. Бұл ынтымақтастық орнатуға, үздік тәжірибелермен бөлісуге және жаһандық білім беру үрдістерінен хабардар болуға мүмкіндік береді.

5. Сапа мен есептіліктің кепілі

CIS және NEASC тарапынан тұрақты түрде жүргізілетін шолу мен бағалау Haileybury Astana мектебінің оқыту, басқару және оқушыларға қызмет көрсету салаларында жоғары стандарттарды сақтап тұруын қамтамасыз етеді. Бұл есептілік мүдделі тараптар арасында сенімділік тудырып, мектептің үздік нәтижелерге жетуге деген адалдығын нығайтады.

Біз мектепке жақында келген инспекторлардың пікірлерін назарларыңызға ұсынамыз.