Haileybury Astana мектебінің оқушысы Халықаралық музыкалық сайыста 1-орынды иеленді

Біз 12-сынып оқушысы Кайденді “Jumeirah Sounds” Халықаралық музыкалық сайысында 1-орынды иеленуімен шын жүректен құттықтаймыз!  Аталған фестиваль болашақта музыкамен айналысуды мақсат еткен жас музыканттарға арналған. Сайыс 3 қараша күні Біріккен Араб Әмірліктерінің Дубай қаласында өтті. Бұл фестивальда әлемнің түкпір-түкпірінен келген 200-ге жуық жас музыканттар бақ сынасты.   

Кайден әділ қазылар алдында өнер көрсететін болғандықтан, сахнаға шығар алдында толқығанын айтып, өзінің ішкі ойларымен, алған әсерімен бөлісті. Ештеңеге қарамастан, оны алда жеңіс күтіп тұрған еді!

Қорытынды концерт Dubai EXPO көрсмесінде өтеді, сол жерде өнер көрсеткен Халықаралық бакалавриат студенті көпшілікті өзінің өнерімен тәнті етеді. Біз Кайденді жеңісімен тағы да бір рет шын жүректен құттықтаймыз, болашақта да жаңа жеңістерге жете беруіне, табысты болуына тілектеспіз.