12-сынып оқушыларын IGCSE куәлігін алуларымен шын жүректен құттықтаймыз!
IGCSE — Халықаралық орта білім туралы куәлік деген атаудың қысқартылған түрі және Орта білім туралы куәлік (GCSE) алуға бағытталған емтиханның халықаралық нұсқасы, Ұлыбритания мектептерінің 11-сынып оқушылары оқу жылының соңында тапсыруға міндетті емтихан.
IGCSE - бұл қарқынды ілгерілеушілік пен жетістікке жетуге бағытталған халықаралық төлқұжат. Оны бүкіл әлем бойынша жұмыс берушілер мен жоғары оқу орындары толыққанды академиялық қабілеттіліктің дәлелі ретінде қабылдайды. Ұлыбританияның жоғары оқу орындарына қабылдау қызметі (UCAS) IGCSE-ді GCSE-ге балама емтихан деп санайды. IGCSE – Халықаралық орта білім туралы куәлік 14-16 жастағы оқушыларға ұсынылатын ең танымал әрі көпке белгілі халықаралық біліктілік. Аталған емтихан әлемнің 160-тан астам елдерінде қолданылады.
Оқушылар үшін емтихан материалдарын Кембридж Университетінің бір бөлімі болып табылатын Халықаралық Емтихан Кеңесі (ХЕК) дайындайды. Емтиханды табысты тапсырып біткеннен кейін екінші курстың соңында Сізге әр оқыған пәніңіз бойынша бүкіл әлемдік жоғары оқу орындарында қабылданатын, танылатын куәліктер беріледі, демек сіз білім алу процесінің келесі кезеңіне аяқ бастыңыз деген сөз.
Біздің оқушыларымыз барынша қажырлы еңбек етіп, ең жоғары нәтиже көрсетуге бар күш-жігерін салды. Haileybury Astana мектебі сіздермен 12-сынып оқушыларының қол жеткізген жетістіктерін мақтанышпен бөліседі.
