Haileybury Astana-да Nursery балабақшасында қосымша сынып ашылмақ

Қабылдау 2024 жылдың тамызынан басталады

Озық жетістіктерге деген ұмтылысымен танымал маңдайалды оқу орны — Haileybury Astana 2024 жылдың тамызынан бастап қосымша балабақша сыныбына қабылдауды бастайтынын хабарлады. Бұл шешім мектепте ерте жастағы балаларды оқытуға деген жоғары сұранысқа байланысты жасалды.

Haileybury Astana-дағы Nursery балабақшасының жаңа сыныбы сабақтар басталатын уақытқа, яғни 31 тамызға дейін 3 жасқа толып қоятын балаларға арналған. Бағдарламаның негізгі бағыты оқу мен дамуға қолайлы орта құрып, әр баланың алдағы білім жолының берік негіздерін қалауға бағытталған.

Haileybury Astana балабақшасының басты артықшылықтарының бірі — оның ерте жастағы қалыптасу бойынша оқу жоспарын (Early Years Foundation Stage Curriculum) ұстанатыны. Бұл халықаралық бағыттағы бағдарлама дамудың барлық аспектілерін ескере құрастырылған және дене шынықтыру, жүзу, музыка, кітапхана, өнер және ән салу бойынша арнайы сабақтарды қамтиды. Әртүрлі өнер түрін біріктіре отырып, Haileybury Astana әр баланың жеке әуестігі мен дарынына сай жан-жақты білім алуын қамтамасыз етеді.

Балабақшадағы сәтті сынып қалыптастырудың құпиясы — білім беру саласында сарапшылығы бар Ұлыбританиядан келген тәжірибелі педагогтер. Кең ауқымды білімі мен тәжірибесі бар бұл мұғалімдер барлық сабақты ағылшын тілінде жүргізеді, бұл балалардың кішкентай кезінен бастап тілді меңгеру және қарым-қатынас машықтарының берік негізін қалайды.

Қауіпсіздік пен салауат — Haileybury Astana-ның негізгі қағидалары, мекеме барлық оқушыға қауіпсіз әрі ынталандыратын орта ұсынады. Антибуллиң, инклюзия және қорғауды сияқты жан-жақты қағидаларымыз — әр бала өсіп-өркендей алатын қауіпсіз білім беру ортасын құруға құштарлығымыздың дәлелі.

Баласын жаңа балабақша сыныбына беремін дейтін ата-аналар қосымша ақпарат алу және тіркеу процесін бастау үшін Қабылдау тобына хабарласуы керек. Орындар саны шектеулі болғандықтан, ертерек тіркелген жөн.
Haileybury Astana білім беруде үздік стандарт орнатып келеді, ал қосымша балабақша сыныбының енгізілуі — оның кішкентай оқушыларға ерекше білім беру мүмкіндіктерін ұсынудағы тұрақтылығының көрінісі.