Бастауыш мектеппен қоштасу
Алтыншы сыныптың соңында, біздің оқушыларымыз бастауыш мектепті бітіріп, өмірінің жаңа кезеңіне өтеді. Осыған орай, біз оқушылардың бастауыш мектептегі жеткен жетістіктерін атап өтеміз.
Бітіру кеші мектеп жүйесінің маңызды бөлігі болып табылады. Біз 6-сынып оқушыларының Бастауыш мектепті бітіруін ғана емес, сонымен қатар олардың орта мектепке өткен күндерін де атап өтеміз.
Біз мектеп ата-аналарын осы керемет іс-шараның куәсі болуға шақырдық. Балаңыздың жетістіктерін көру әрқашан да қуанышты әрі мақтануға тұрарлық іс, бұған қоса оқушыларымыздың ата-аналарыа қуаныш сыйлап, жүздеріне күлкі үйіре алғанымызға шексіз қуаныштымыз. Іс-шараға қатысқан қонақтардың барлығына алғыс айта отырып, бүгінгі қуанышты мерекелік процесс арқылы жандарын жадыратар қуанышты эмоция сыйлай алдық деп үміттенеміз.
Алдымен оқушыларымыз жүріп өтетін дәлізге қызыл кілем төседік, ал 6-сынып оқушылары мектепке соңғы рет бастауыш сынып оқушылары ретінде кіріп, қызыл кілем үстімен жүріп өтті. Содан кейін біз сертификаттар табыстау және марапаттау рәсімін өткізіп, шәкірттеріміздің аянбай жұмсаған күш-жігерлері мен қол жеткізген жетістіктері үшін лайықты марапаттарын ұсындық. Іс-шара соңында біз оқушыларымызға арналған дискотека және ойындар сияқты қызықты іс-шараларды өткіздік.
Осы іс-шараны ұйымдастыруға және өткізуге осындай керемет қолдау мен көмек көрсеткені үшін барлық қызметкерлерге және біздің бас шәкіртімізге рақмет. Біз бастауыш сыныппен қош айтысқан барлық түлектерімізге жақсылық тілейміз және олармен келесі жылы орта мектепте кездесуді асыға күтетін боламыз!
