Спорттағы жетістіктер

Haileybury Astana мектебі барлық жастағы және дамудың кез келген деңгейіндегі оқушыларға арналған кең ауқымды спорттық шараларды ұсынады. Біз әрбір оқушымыздың дене тәрбиесінің көмегімен физикалық, әлеуметтік және эмоционалдық тұрғыдан өзін-өзі жетілдіре түсуі үшін күш-қуаты жеткілікті екендігіне сенімдіміз.

Ағымдағы оқу жылы бойында біздің оқушыларымыз дене шынықтыру департаменті ұйымдастырған көптеген қызықты және көңілді іс-шараларға белсене атсалысты. Халықаралық британдық білім беру мектебі ретінде, жастарға дене тәрбиесі арқылы өзін-өзі дамытуға мүмкіндік ұсыну біз үшін өте маңызды. Бастауыш сыныптан бастап жоғары сыныпқа дейінгі оқушылар өздерінің көшбасшылық, қарым-қатынас жасау және топта жұмыс істей білу машықтарын, сонымен қатар кез келген мәселелерді шешу және шешім қабылдауға қатысты қабілеттерін көрсете алды.

Спорттық іс-шараларға белсене қатысқан оқушыларды атап өтіп, мадақтау үшін біз биылғы жылдан бастап жыл сайын өткізілетін спорттық жетістіктерді марапаттау кешін өткіздік. Марапаттар жүзу, футбол, баскетбол және волейбол сияқты 4 негізгі спорт түрінің бірінде немесе бірнешеуі бойынша үнемі жаттығып, жарыстарға қатысқан 3 және одан жоғары сынып оқушыларына берілді. Салтанатты шараға шорт-трекші, Қысқы Олимпиада ойындарының үш дүркін жеңімпазы, Әлем кубогының алтын жүлдегері Абзал Әжғалиев қатысты.

Спорттық жетістіктерді марапаттау шарасы оқушыларымызды келесі жылы жаңа мақсаттарға жетуге шабыттандырады және ынталандырады деп сенеміз. Біз оқушыларымыздың жетістіктері мен табыстарын зор қуанышпен атап өттік.

Категориялар: 

Спорттық шеберлігі үшін марапат

Өз ұстаздарына, төрешілер мен олардың әріптестеріне құрметпен қарайтын, өз категориясы бойынша жоғары жетістік көрсете білген жуапкершілігі жоғары оқушы​.

Жүзу категориясы/Жыл ойыншысы

Жаттығулар мен түрлі жарыстар барысында жоғары жетістіктер көрсете алған  бәсекеге қабілетті, үздік көрсеткіштерге қол жеткізген оқушы.​

Жыл спортшысы

Бір немесе бірнеше спорт түрінен жоғары нәтижеге қол жеткізген, сонымен қатар жыл бойы үздіксіз және тұрақты түрде жарыстарға қатысатын, жаттығулар мен сайыстардан қалмай, үнемі шынығып, дайындықтарға келіп жүретін, үлгі болатын әрі командалардағы негізгі ойыншы болатын оқушы.

Жыл спортшылары