Haileybury Astana мектебі оқушыларының ресми YouTube арнасындағы TED Talks бағдарламасында сөз сөйлеулері
2021 жылы 14 тамызда дүние жүзі бойынша TED стиліндегі іс-шаралар ұйымдастыратын TEDx халықаралық қауымдастығы өзінің ресми YouTube арнасындағы TEDx Talks бағдарламасында HaileyburyAstana мектебі оқушыларының және іс-шараға келген қонақ спикерлер қатысқан TEDxYouth@HaileyburyAstana бейнебағдарламасын жариялады. Барлық бейнебағдарламалар қарау үшін қол жетімді.
TEDxYouth@HaileyburyAstana іс-шарасын “FORWARDS” тақырыбында ұйымдастырды. Аталған тақырып өмірде кездесетін кез келген қиындыққа қарамастан, тайсалмай жеңіп шығып, болашаққа бастау деген мағынаны көпшілікке жеткізу мақсатында таңдап алынды. Haileybury Astana мектебінің үш оқушысы, Назарбаев университетінің студенті, денсаулық сақтау бөілімінің мамандары, сонымен қатар Голландия мен Германия елшіліктерінің өкілдері Андре Карстенс пен Холгар Колли көрермендермен өз тәжірибелерімен және идеяларымен бөлісті. Өткен оқу жылындағы ешқандай қиындыққа қарамастан мектебіміздің оқушылары дәл осындай мағыналы әрі маңызды, таңғажайып іс-шараны өз дәрежесінде ұйымдастырып өткізе алды.
TEDxYouth іс-шарасына 60-тан аса адам қатысып, таныстырылымдарды қарастырып, бір-бірлерімен талқыға салып, жақсы уақыт өткізді. Осындай керемет іс-шараны өткізген мектебіміздің оқушыларын мақтан тұтамыз және осы шараға қатысқан әрбір қатысушыға алғысымызды білдіреміз! Сіздер де оқушылардың іс-шарада сөйлеген баяндамаларын үйіңізде отырып ресми YouTube арнасынан TED Talk бағдарламасын табу арқылы тамашалай аласыз.
Руслан Шегай, Темірлан Исмаилов, Холгар Колли, Айнұр Бекеноваға, Андре Карстенсқа, Барби Забельскиге, сонымен қатар Haileybury Astana мектебінің 13-ші сынып оқушылары Саша, Алима және Таирға керемет сөйлеген сөздері үшін рақмет айтамыз! TEDxYouth@HaileyburyAstana командасына аталған іс-шараны ұйымдастырғандары үшін ерекше алғысымызды білдіреміз!
.jpg)