«Haileybury’s Got Talent» талант шоуының жеңімпаздары
Haileybury Astana мектебінің жоғары мектеп мұғалімдері ең соңғы Enrichment апталығы аясында біздің оқушыларымыз үшін қызықты іс-шараларға толы ауқымды жоспар әзірледі. Оқушылар жыл бойы аянбай тер төгіп, қауырт апталарды артта қалдырды, сондықтан білім алу процесінен демала отырып, оқу бағдарламасын байытатын және практикалық білімді одан әрі кеңейте түсетін түрлі жобаларға атсалысу пайдалы болып табылады.
Оқу жылының соңғы аптасы оқушыларға өз машықтарын дамытуға және жаңа нәрселермен таныс болуға мүмкіндік беретін әртүрлі және қызықты іс-шараларға толы. Біз биылғы Enrichment апталығын жыл сайын өткізілетін Haileybury's Got Talent шоуымен бастадық. Жоғары сынып оқушылары аталған іс-шараға қатысып, өз өнерлерін ортаға салуға ұсыныс жасалды.
Оқушылар өздерінің жан-жақты талант иелері екендерін дәлелдеп, акапелла айтудан бастап қысқаметражды фильмді анимациялауға дейін қолдарынан келетін түрлі өнерлерін көпшілік назарына ұсынды. Әрбір қойылымның қайталанбас, керемет болғаны даусыз. Әділ қазылар дауыс беруден кейін жеңімпаздардың есімдерін жариялады.
Халықаралық Бакалавриат бөлімінің 12-сынып оқушылары Айсофия мен Узейраны бірінші орын алуларымен шын жүректен құттықтаймыз. Сонымен қатар Haileybury's Got Talent бағдарламасында екінші орын алған Лили (10-сынып), Сарон және Дарьяны (9-сынып) да құттықтаймыз. Таланттар байқауына 9-сынып оқушысы Милана да қатысып, құрметті үшінші орынды иеленді.
Haileybury's Got Talent шоуының жүргізушісі болған 10-сынып оқушысы Эрихке алғыс айтамыз. Жиналған көрермендермен тіл табыса отырып, сайысқа қатысушылардың қойылымдарының жүректен жүрекке жеткізілуіне септігін тигізе білді.
