TEDxYouth конференциясы

TedxYouth@HaileyburyAstana – оқушылар, спикерлер басқаратын конференция. Бұл конференция TED коммерциялық емес ұйымының лицензиясы бойынша өткізіледі, оның ұраны «Кеңінен таратуға лайықты идеялар». Шабыттандыратын іс-шараны Халықаралық Бакалавриат оқушылары толығымен өздері басқарады және жоспарлайды, өйткені Haileybury Astana мектебінің білімі оқушыларды көшбасшы болуға, сонымен қатар жаһандық ойлауға ынталандырады.

Haileybury Astana мектебі 2023 жыл 10 маусым күні жыл сайынғы TEDxYouth конференциясын үшінші рет өткізгелі отырғанына қуанышты. Биылғы жылы конференцияны қалыптасқан дәстүр бойынша Алтыншы бөлім оқушылары ұйымдастырады. Негізгі тақырып – «Тағы да ойланыңыз» - бұл кез келген мәселені ашық, жан-жақты қарастырудың, сыни ойлаудың және болжамға күмәнданудың маңыздылығын көрсететін анықтама. Haileybury Astana мектебі табысты кәсіпкерлер мен инноваторларды қоса алғанда, әр сала бойынша озық спикерлерді қабылдай алатындығымен мақтанады.

 «Тағы да ойланыңыз» тақырыбы шығармашылықты, инновацияны және тапқырлық дағдыларын қамтиды. Біздің спикерлер мәселені қайта ойластырудың оларды табысқа жетелейтін кемелдік пен керемет жетістіктерге жетуге қалай мүмкіндік бергені туралы әңгімелеп береді. Haileybury Astana мектебі шәкірттерімізге әлемді болашақ көшбасшыларымыз ретінде жандандыруға және өздерін ерекшелендіруге мүмкіндік беретін құнды қасиеттерді сіңіре отырып, осы дағдылардың әрі қарай дамуына қолдау көрсетеді.

2022 жылдың 11 маусымында Haileybury Astana мектебінде жыл сайынғы TEDxYouth@HaileyburyAstana конференциясы екінші рет болып өтті. Іс-шараны толығымен Халықаралық Бакалавриат оқушылары ұйымдастырды және «Бірегейлік» тақырыбына арналды. Бұл тақырып біздің кім екенімізді анық көрсететін айырмашылықтарымызды атап өтеді. Түрлі саланың спикерлері жиналған көрермендермен тәжірибелерімен, білімдерімен бөлісті.

Әр адам өзінше ерекше. Адамның мәдениеті, хоббиі, қызығушылықтары, қызмет саласы, өмірлік тәжірибесі және сүйікті ісі - мұның бәрі оған ғана тән және тек өзінікі болып табылады. TEDxYouth@HaileyburyAstana конференциясы спикерлерге ғана тиесілі идеялар мен қызығушылықтарды зерттеуге мүмкіндік берді және тыңдаушыларды өздерін басқалардан шынымен бірегей ететін нәрсені табуға шабыттандырды.

Haileybury Astana Жоғары деңгей оқушылары жаһандық мәселелерді шешуге атсалысудың маңыздылығын түсінеді. Олар бұл мүмкіндікті айналасындағы адамдармен бөлісіп, оқушыларға әртүрлі көзқарастармен танысуға мүмкіндік береді.

Биылғы жылы «Бірегейлік» тақырыбы аудиториядағы әрбір адамды әлемдегі өз орнын таба білуге және әлемді дамытуға қалай үлес қоса алатынын білуге ​​шақырды.

2021 жылы “FORWARDS”  TEDxYouth@HaileyburyAstana конференциясының тақырыбы болып алынған еді. Бұл тақырып кез келген қиындықтармен кедергілергеқарамастан, көздеген мақсатқа қол жеткізу үшін жүзеге асырылатын әрекеттерді паш етеді.
Haileybury Astana мектебінің үш оқушысы, Назарбаев  университетінің студенті мен денсаулық сақтау бөлімінің қызметкерлері, сонымен қатар Голландия және  Германия елшіліктерінің өкілдері  Андре Карстенс пен Холгар Колли жиналған көрермендермен өз идеяларымен, тәжірибелерімен бөлісті.

Біз  TedxYouth@HaileyburyAstana конференциясын Haileybury Astana мектебіндегі сыныптан тыс өткізілетін іс-шараларды толықтыратын керемет жоба деп есептейміз, себебі  конференция барысында әлемдік өзекті мәселелер қарастырылып,  оқушылардың көпшілік  алдында  сөз сөйлеу  шеберліктері  шыңдала  түседі.

Haileybury Astana - оқушылар  үшін атаулы жоба ұсынатын бірден-бір мектеп болып табылады, оқушыларға өз беттерімен жеке жобалары мен іс-шараларын ойластырып, жүзеге асыруға мүмкіндік  береді,  соның  ішінде TEDxYouth@HaileyburyAstana конференциясын ерекше атап өтуге болады.

- YouTube TEDx Talk Official ресми арнасы TedxYouth@HaileyburyAstana конференциясы спикерлерінің баяндамаларын жариялады.
- Haileybury Astana мектебіндегі  TEDxYouth конференциясын 70-ке жуық адам қараған. 
- Haileybury Astana мектебінен, Канаданың Fanshawe College-нен, Германия елшілігі, Назарбаев Университетінен келген баяндамашылар көпшілік алдында сахнада тұрып өздерінің болашаққа қатысты ой-пікір, тәжірибелерімен бөлісті.